На снимката од полигонот за тестирање може да се види подготовката на техниката за боеви дејствија и оценување на моќноста на истрелите, пишува „Росијскаја газета“.
„За разлика од својот претходник, ТОС-2 има функции на машина за борба и транспорт и полнење на база на едно тркало, што му додава разновидност и автономија на системот“, истакна генералниот директор на „РТ-Капитал“ Кирил Фјодоров.
Видеото што го дистрибуираше државната корпорација „Ростех“ покажува дека новите гранати на „Тосочка“, како што го нарекуваат ТОС-2 во единиците за радијациска, хемиска и биолошка заштита, имаат зголемена моќност. Експлозијата на термобаричните гранати ноќе потсетува на експлозија на нуклеарно полнење.
Бидејќи ТОС-2 е наменет за борба во блиска тактичка зона, машината е опремена со заштита од високопрецизно оружје. Системот има и современа навигациска и метеоролошка опрема и може да гаѓа од неподготвени огнени позиции.