„Национален Интерес“: Што го прави рускиот Су-35 подобар од американскиот F-22

Су-35

Су-35

Сергеј Карпухин/Reuters
Рускиот повеќенаменски ловец од четвртата генерација Су-35 му е главна „конкуренција“ на американскиот ловец од петтата генерација F-22 бидејќи има неколку клучни предности. Една од нив е инфрацрвениот систем за откривање и следење цели, како и помоќниот радар.

Сите недостатоци на „Раптор“ неодамна беа набројани од весникот „Национален Интерес“. Американскиот ловец е буквално слеп во инфрацрвениот дијапазон, додека многуте потенцијални противници одамна имаат соодветни сензори за откривање и следење на целта во пасивен режим, така што авионот да остане невидлив.

F-22

Ловците F-22 немаат ниту странични радари. Американскиот весник пишува дека Су-35 има страничен радар, но тоа тврдење е погрешно. Од современите руски ловци, само најновиот Су-57 има такви радари. Од друга страна, судејќи според податоците од слободни извори, системот за откривање цели на рускиот ловец сепак има поголем домет од американскиот.

Су-35

Причината за таквата недовршеност се крие во начинот на финансирање на проектот F-22. Военото воздухопловство на САД во јануари 1989 година во договор со производителот одреди дека еден ловец може да чини максимум 9 милиони долари. Компанијата „Локхид“ во тој момент имаше проект вреден 16 милиони долари и поради тоа мораше да се откаже од низа крајно важни системи, вклучително и од страничните радари и инфрацрвените системи за откривање и следење цели. Производителот самиот одлучи да ги тргне тие ставки од списокот.

Поради тоа, во евентуална борба, рускиот ловец Су-35 би имал клучна предност, иако „Раптор“ е еден од најмодерните авиони во светот, заклучува „Национален Интерес“.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња