Спектакуларна трка над Јапонското море: Како руски Ту-160 им „побегна“ на ловци F-35A Lightning II?

Marsonline (bog-rata.com)
Американски ловци F-35A Lightning II на почетокот на овој месец се обидоа да испратат руски бомбардер кој изведуваше планиран лет над Јапонското Море. Меѓутоа, во еден момент, рускиот пилот го спотера својот „Бел лебед“ толку брзо што ги остави далеку зад себе американските ловци кои трескаво се обидуваа да го стигнат. Кинескиот медиум Sina ги потсетува своите читатели дека неодамна Американците се потсмеваа кога ќе се споменеше рускиот бомбардер Ту-160, кој го нарекоа музејски експонат.

Стратешкиот бомбардер Ту-160 и неговата „несудена“ придружба на почетокот на овој месец се сретнаа на небото над Јапонското Море. Имено, рускиот суперсоничен бомбардер беше откриен со дежурните радарско-набљудувачки средства. Еден пар американски борбени ловци од петтата генерација F-35A Lightning II веднаш беа испратени кон овој објект. Меѓутоа, тие не можеа да го стигнат рускиот бомбардер бидејќи тој во меѓувреме се префрли на суперсоничен режим на летање. Имено, рускиот пилот ја смени геометријата на крилата на бомбардерот и ги префрли моторите во режим на дополнително согорување. На овој начин леталото тешко 110 тони успеа да им „побегне“ на потенцијалните придружници кои се 10 пати полесни од него, пренесува порталот Mars.online.

„Ту-160 е способен да постигне брзина од 2200 км/ч, додека F-35A Lightning II е ограничен на 1930 км/ч, вклучувајќи го и фактот дека американскиот ловец не може долго да ја одржи својата максимална брзина “, се вели во текстот што го пренесе интернет-порталот „Цариград.ру“.

„Се сеќавате ли на настанот кога овие бомбардери одлетаа во Венецуела, а потоа и на зајадливата реакција на Американците кои  ги прогласија за надминати авиони (читај „летечки канти“, заб. на авторот)“, потсмешливо коментира твитер-порталот „Глaсот на Мордор“.

„Многу одамна (од 1949 година) на еден воен аеродром го видовме првиот советски млазен бомбардер Ил-28. И притоа многумина му се потсмеваа на вооружувањето што го имаше во својот арсенал. Имаше само два топа во носот и опашката на авионот. На прв поглед, пресмешно. Меѓутоа, тој беше толку брз што дури ни ова вооружување не му беше потребно. Имено, во тоа време најбрзиот американски борец (P-51 Mustang) не можеше да го стигне“, напиша во коментарот @SergeGray149.

„Треба да им се напише казна за пребрзо возење“, додаде @Mironov1974.

Погледнете го видеото: Филигрански маневар на стратешки бомбардер Ту-160

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња