Руски хеликоптер Ми-17В-5 во драматична акција спаси група американски специјалци (ВИДЕО)

Wikipedia
На интернет се појави видеоснимка на која се гледа евакуација на американска група специјалци која се нашла под оган на талибански формации. Во оваа операција за американските сили итно беше испратен воено-транспортен хеликоптер од руско потекло Ми-17В-5, кој ја евакуираше групата војници на кои им се закануваше сигурна смрт.

Изминатиот месец може да се карактеризира како еден од најтешките периоди во поновата историја на американските специјални единици. Во периодот од 24 до 30 јуни загинаа тројца членови на американските „зелени беретки“ од составот на 10-та и 3-та група на Командата за специјални операции на САД. Елитните единици на Армијата на САД учествуваа во овие операции во содејство со елементи на противдиверзантски единици, група платеници и специјалните единици на авганистанската армија.

Претрпените загуби се последица на серијата ненадејни судири што се случија на просторот на цел Авганистан. Најголем број огнен контакти е регистриран во провинциите Урузган и Хост, каде што и загинаа американските специјалци.

Ми-17В-5 претставува модерен повеќенаменски воено-транспортен хеликоптер наменет за превоз на луѓе и товар, како во внатрешноста на кабината така и на надворешните носачи. Покрај тоа, овој хеликоптер, исто така, може да се примени и во класични борбени мисии, бидејќи е оспособен да носи и убојни средства. Со леталото управуваат 3 членови на екипажот. Неговата вкупна носивост е до 4500 кг товар. Може да транспортира до 36 патници или 24 војници со полна борбена опрема. Исто така, во операции за евакуација на ранети на носилки може да прими и до 12 тешко повредени војници.

Погонската група се состои од два турбо-елисни мотори „Климов“ ВК-2500 кои генерирааат излезна сила од 2700 КС. Овие мотори обезбедуваат хеликоптерот под полн товар да достигне брзина од 262 км/ч. Капацитетот на резервоарот и економичноста на моторот му овозможуваат на хеликоптерот да достигне практичен долет и до 700 км.

Прочитајте повеќе: Руските конструктори развија проект за нова елиса: Ми-35 ќе лета со 400, а Ми-8/17 со 320 км/час

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња