На тркала против криминалот: 15 најдобри возила на советската милиција

1. ГАЗ-М1

Најпопуларниот советски автомобил од триесеттите години на 20 век ГАЗ-М! Масовно го користеше советската милиција. За жал, овие возила станаа непријатен симбол на советската репресија, со оглед дека често ги користеа тајните служби за време на апсењата на „народните непријатели“ за време на Големата чистка.

2. ГАЗ-67Б

Ова воено возило стана советски полициски автомобил на доцните четириесетти години од минатиот век. Незаменливо во возењето по нерамен терен, интензивно се користеше надвор од градовите. Но, поради кабриолетскиот изглед не беше поволно за зимски услови.

3. ГАЗ-М20 „Победа”

Во повоениот период началниците на полицијата особено го сакаа ГАЗ-М20 „Победа“. Овој удобен автомобил беше меѓу првите во земјата со вградено греење. „Победа“ масовно го користеше и советската сообраќајна милиција.

4. ГАЗ-21 „Волга”

ГАЗ-21 со своите унапредени технички карактеристики и со комфорот стаса како замена за „Победа“. Ова беше прилично брз автомобил за тоа време (со максимална брзина од 130 километри на час), кој добро се снаоѓаше и по нерамен терен. За поголемиот број советски граѓани беше премногу скап, но милицијата масовно го користеше.

5. ЗИЛ-130

Еден од најпознатите и најуспешните советски камиони ЗИЛ-130 беше користен во земјоделството, во индустријата, но и во војската. Во текот на 50 години од производството има доживеано десетина модификации. Полицијата го користеше ЗИЛ-130 за транспорт на осуденици и во единиците на специјални намени.

6. РАФ-977

Ова комби беше користено не само за транспорт на група милицајци, ами и како мобилна криминалистичка лабораторија.

7. ГАЗ-24

Советските полицајци од внатрешноста можеа само да сонуваат за овој автомобил. На почетокот ГАЗ-24 го користеа само силите на редот во големите градови. Соработниците на КГБ имаа повеќе среќа. Тие ја добиваа модификацијата ГАЗ-24-24 со максимална брзина до 170 километри на час. Тоа беше еден од најбрзите советски автомобили кој некогаш е направен.

8. ВАЗ-2101

За разлика од речиси луксузниот модел ГАЗ-24, овој едноставен ВАЗ-2101 беше достапен само за полицијата како во големите градови, така и во руралните области. Го користеа сите полициски служби, од сообраќајните патроли до криминалистичката милиција.

9. ВАЗ-2121 НИВА

Совршен советски теренец кој беше омилено возило на милицијата во оддалечените подрачја и во суровите климатски услови. Таму можеше да го покаже своето најдобро лице.

10. УРАЛ-4320

Овој камион за првпат е произведен во седумдесеттите години од минатиот век и понатаму останува во широка употреба. Често се користи за транспорт на припадниците на ОМОН, одредот на полицијата за посебни намени.

11. BMW 520i (E12)

Советската милиција не секогаш се потпирала само на домашните возила. Некои единици имаа среќа да ги пробаат и странските модели како што се Бе-Ем-Ве, Мерцедес, Ауди и Волво, кои СССР ги увезуваше во мал број за потребите на безбедносните сили. Дури ни најбрзиот советски автомобил Волга 24-24 со максимална брзина од 170 километри на час што чуварите на редот и тајните служби го користеа во потерите, не можеше да се мери со Бе-Ем-Ве и неговата максимална брзина од над 200 километри на час.

12. ВАЗ-21093

Ова беше омилено возило на руската милиција во деведесеттите години од минатиот век, едноставно за одржување и со добри технички карактеристики. Но, главната причина за популарноста на ВАЗ-21093 беше достапната цена. Што беше мошне важно во времето на постсоветската криза.

13. УАЗ-31514

Во текот на 25 години ова возило беше главното превозно средство на милицијата, особено во внатрешноста на земјата. Иако денес овие автомобили полека се заменуваат со понапредни модели, сигурниот и непретенциозен УАЗ-32514 и понатаму е едно од најзастапените полициски возила.

14. ВАЗ-2110 или LADA 110

ВАЗ-2110 (или Лада 110) главно го користи руската сообраќајна полиција. Овој автомобил добро се покажа во потерите. Не е реткост зад неговиот волан да се најде и висок полициски службеник.

15. ВАЗ-2114

Денес руската полиција располага со широк спектар возила: од Мерцедес до Порше. Домашните автомобили, сепак, и понатаму го сочинуваат главниот дел од полицискиот возен парк. Најчесто полициско возило во Русија денес е ВАЗ-2114 (Лада Самара 2), кое го наоѓаме во секој град на Русија.