Русите објавија снимка од тестирањето на ракетна подморница од класата „Бореј“ (ВИДЕО)

Нуклеарната подморница „Александар Невски“ од проектот „Бореј“.

Нуклеарната подморница „Александар Невски“ од проектот „Бореј“.

Иљдус Гиљазудинов
Министерството за одбрана на РФ објави видеоснимка од тестирањето на ракетната подморница од класата „Бореј“.

На снимката се гледа како екипажот се подготвува да исплови, а потоа е прикажано движење на подморницата со полна брзина на површината.

Коментирајќи го тестирањето, командантот на руската Воена морнарица, адмирал Владимир Корољов, истакна дека подводните сили се во активна фаза на развој и обрна внимание на важната улога на проектите „Бореј“ и „Јасен“.

„Тие подморници се основата на подводните сили и одговараат на најмодерните барања во поглед на квалитетот, поврзани со незабележливоста, маневарските можности и арсеналот“, ги цитира зборовите на адмиралот телевизијата „Ѕвезда“.

На 19 март во Русија се празнува Денот на подморничарот.

Серијата атомски крстосувачки подморници од четвртата генерација на проектите „Бореј“ и „Бореј-А“ треба да стане основата на поморските стратешки нуклеарни сили во наредните неколку децении. Планирано е до 2020 година да се воведат во експлоатација уште осум подморници од овој проекта.

Подморницата е долга 170 м, широка 13,5 м, а подводниот депласман е 24000 тони. Овие нуклеарни подморници можат да носат 16 интерконтинентални балистички ракети со поморско базирање Р-30 „Булава-30“.

Погледнете го и ова видео и уверете се во убавината и моќта на руската подморничка флота

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња