„Калашников“ во ОАЕ го прикажа својот модел на беспилотно летало-камикаѕе „KYB“

Концернот „Калашников“ (дел од државната корпорација „Ростех“) на меѓународниот саем на оружје и воена техника IDEX-2019 што се одржува во Абу Даби (ОАЕ) претстави нов производ- беспилотното летало „KYB“, пренесува интернет-порталот „Бог-рата“.

Како што е прикажано на видеопрезентацијата, беспилотното летало е опремено со силна боева глава која се активира кога ќе ја достигне својата цел. На штандот на концернот „Калашников“ леталото е претставено во вид на макета која е двојно помала од проектираната големина.

Неговите основни тактички-технички податоци се:

• Должина 1210 мм
• Висина 165мм
• Ширина 950 мм
• Брзина на летот 80-130 км/ч
• Траење на летот до 30 минути
• Максимална носивост до 3 кг

Леталото е развиено и произведено од инженерите на компанијата Zala Aero која се наоѓа во состав на концернот „Калашников“. Беспилотниот дрон-камикаѕе „KYB“ ги помина сите летечко-технички испитувања и е подготвен за производство.

Прочитајте повеќе: „Калашников“ направи дрон способен за слетување на вода

При користење на материјалите на Russia Beyond задолжителен е хиперлинк до изворот од кој е преземен материјалот.