Видео: Најновото руско ударно беспилотно летало „Корсар“ непогрешливо ги гаѓа целите

Виталиј В. Кузмин
Леталото конструирано во бирото „Луч“ (Рибинск) има распон на крилата од 6 метри и направено е од композитни материјали, што му овозможува да ги избегнува радарите и да понесе повеќе корисен товар. „Корсар“ е борбено-извидувачки дрон, а во состојба е и да гаѓа со противтенковски ракети.

Апаратот е во состојба да се задржи во воздух до 10 часа на максимална висина од 6 км, и да лета во радиус до 160 км. На годинашнава Парада на Победата во Москва првпат ќе биде покажано семејството беспилотни летала „Корсар“ (во форма на авион и хеликоптер). Досега податоците за овие апарати се чувани во тајност.

Покрај „Корсар“, по Црвениот плоштад ќе поминат најновите оклопни возила „Терминатор 2“, машините за деминирање на далечинско управување „Уран“, а над Москва ќе летаат ловецот од петта генерација Су-57 и МиГ-31К со хиперсонични ракети „Кинжал“.

Прочитајте повеќе: Русија првпат го претстави семејството офанзивни беспилотни летала „Корсар”

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе