Руска техника за безбеден континент:„Рособоронекспорт“ ја прогласи 2019 година за „година на Африка“

Слободан Ѓукиќ
Руските претпријатија кои се наоѓаат во рамките на воено-индустрискиот комплекс имаат во план голем број проекти од сферата на одбраната и безбедноста кои треба да се реализираат со африканските партнери, велат од информативната служба на компанијата „Рособоронекспорт“.

Информативната служба на компанијата ја нарече оваа година „година на Африка“. Притоа не се соопштени конкретните проекти кои ги чекаат руските производители на сѐ поинтересниот африкански пазар.

Од 22-24 јануари компанијата „Рособоронекспорт“ ќе земе учество на меѓународниот саем за безбедност и одбрана „Shield Africa-2019“, кој се одржува во Брегот на Слоновата Коска. Компанијата има во план на оваа манифестација да прикаже мошне широка програма која ја нуди рускиот воено-индустриски комплекс. Тука ќе биде претставен широк спектар вооружување и воена техника, која е пред сѐ наменета за противтерористички операции и полициски задачи, пренесува интернет порталот РИА „Новости“.

Во „Рособоронекспорт“ проценуваат дека африканските партнери се посебно заинтересирани за оклопните транспортери на тркала БТР-80А и БТР-82А, борбените возила на пешадијата, фамилијата оклопни автомобили „Тигар“, како и за ударните хеликоптери Ми-35М и воено-транспортните хеликоптери Ми-17.

За работата за обезбедување на државни граници и објекти од голема важност, Русија може да претстави комплетна гама производи за надзор и контрола, вклучувајќи и беспилотни летала и радарски станици.

„Ние одлично ги разбираме потребите на нашите африкански партнери и пријатели и високо ја цениме нивната решеност да ја претворат Африка во безбедно место за живот. Уверен сум дека нашата продукција, која имаше своја проверка во реални борбени ситуации, 100% може да одговори на сите нивни барања“, ги пренесува информативната служба на компанијата зборовите на  генералниот директор на „Рособоронекспорт“ Александар Михеев.

Прочитајте повеќе: Урнати сите рекорди: Русија во 2018 со приход од дури 19 милијарди долари од продажба на оружје

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња