Русија победи на индиски тендер за набавка на ПВО

Русија победи на индискиот тендер за набавка на системи за противвоздушна одбрана со краток дострел во вредност од 1,5 милијарди долари, изјави за РИА „Новости“ извор од воено-техничкиот сектор.

„Да, нашата „Игла“ (рачен ракетен систем за ПВО) победи“, заклучи соговорникот на медиумите.

ТВ-каналот NDTV, цитирајќи извори од војската, соопшти дека „Рособоронекспорт“ понудил најповолни услови за снабдување со противвоздушни ракетни системи со краток дострел. На тендерот учествуваа и европските компании SAAB и MBDA.

Русија и Индија се најголеми партнери на полето на воено-техничката соработка: преку 70 отсто од вооружувањето и воената опрема на индиската војска, военото воздухопловство и воената морнарица е од руско и советско потекло. Секоја година Русија ја снабдува Индија со опрема и вооружување вредни неколку милијарди долари.

Во октомври „Рособоронекспорт“ склучи договор со Индија за испорака на ракетни ПВО-системи С-400 и тоа во вредност од преку 5 милијарди долари. Овој договор беше најголемиот во историјата на наведената руска компанија.

Прочитајте повеќе: Договорот за испорака на руските С-400 на Индија склучен во рубли

При користење на материјалите на Russia Beyond задолжителен е хиперлинк до изворот од кој е преземен материјалот.