По повод Денот на авијацијата со голем долет руското Министерство за одбрана направи видеоклип

Youtube
Руското Министерство за одбрана направи видеоклип по повод Денот на авијацијата со голем долет (День дальней авиации), во кој се прикажани фрагменти од воени вежби во кои учествуваа ракетоносци Ту-160 и Ту-95МС, бомбардери Ту-22М3 и летечки авиотанкери Ил-78.

Видеоматеријалот е прикажан на каналот на Министерството за одбрана на YouTube.

Од министерството напоменуваат дека историјата на руската авијација со голем долет почна со формирањето на ескадрилата воздушни бомбардери-двокрилци „Илја Муромец“ на 23 декември  1914 година. За време на Првата светска војна екипажите кои беа дел од авијацијата до голем долет изведоа повеќе од 400 борбени летови, додека во Втората светска војна овој број е зголемен 600 пати. Екипажите на бомбардерите со голем долет изведоа повеќе од 220 илјади борбени летови, при што фрлија повеќе од два милиони бомби со различна тежина.

Авијацијата со голем долет (рус. Дальняя авиация) годинава реализираше повеќе од 20 илјади часови лет. Изведени се повеќе од 40 летечко-тактички и специјални вежби со единиците за логистичка поддршка. Во состав на авијацијата со голем долет, а исправен термин е и стратешка авијација, влегоа четири модернизирани стратешки ракетоносци Ту-95МС и еден Ту-160.

Овој сегмент на борбената авијација е опремен со модернизирани бомбардери Ту-22М3, стратешки ракетоносци Ту-160, Ту-95МС, авиоцистерни Ил-78 и други видови воздухопловна техника.

Прочитајте повеќе: Генерал на руската армија ги наведе главните причини зошто Ту-160 е најдобриот бомбардер на светот

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња