Подморниците „Лада“ потивки од „Црните дупки“

Подморница „Лада“.

Министерство за одбрана на РФ/mil.ru
Во текот на тестирањата на главната подморница од проектот 677 „Лада“ која го носи називот „Санкт Петербург“ се покажа дека таа може потешко да се детектира отколку подморниците од проектот „Варшавјанка“, изјави Александар Бузаков, генерален директор на бродоградилиштето „Адмиралтејские верфи“ кое ги произведува овие подморници.

„Завршено е тестирањето на „Санкт Петербург“ во кое оваа подморница покажа значително подобри карактеристики од подморниците на проектот 636 кои поради тешката забележливост со право се нарекуваат „Црни дупки“, изјави Бузаков, пренесува РИА „Новости“.

Тој изрази надеж дека проектот „Лада“ ќе продолжи со производство на серијата подморници од овој вид.

Генералниот директор истакна дека конструкторското биро „Рубин“ работи на нова ненуклеарна подморница со анаеробен мотор.

„Се надеваме дека во најскоро време ќе тргнеме со тој проект“, рече Бузаков.

Дизел-електричните подморници „Лада“ се четвртата генерација ненуклеарни подморници. Проектирани се за борба против подморници и бродови и за уништување на крајбрежни објекти на непријателот, за поставување мински пречки, како и за транспорт на товар и припадници на специјалните единици.

Се одликуваат со висок степен на автоматизам и ниско ниво на бучава, можат да бидат вооружени со крстосувачки ракети од системот „Калибар-ПЛ“, торпеда, ракети-торпеда и зенитни ракети „Игла“. Овие подморници можат да се спуштат на длабочина од 350 метри.  

Бузаков уште во 2015 година соопшти дека четвртата генерација подморници од проектот „Лада“ според нечујноста ги надминала подморниците од проектот 636.

Прочитајте повеќе за најбруталните руски подморници

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња