Вака ќе изгледа новиот руски „еколошки” аеродром (фотографии)

Италијанското архитектонско студио „Фуксас” победи на конкурсот за проектирање на новата аеродромска зграда во јужниот руски приморски град Геленџик на брегот на Црното море.  

Архитектите ја пронајдоа инспирацијата во природата и дизајнот на аеродромот го засноваа врз птичјиот лет. „Сакавме да го доловиме моментот кога птицата одненадеж го менува правецот на летање и да ја претставиме динамичноста и поетичноста на ова движење“, се вели во официјалното соопштение на архитектите Масимилијано и Доријана Фуксас.

Аеродромот „Геленџик” ќе користи природни и обновливи извори на енергија, додека услужниот реон околу аеродромот, вклучувајќи го и паркингот, ќе има зелен простор со локални видови дрвја.  

Масимилијано Фуксас е познат по иновативните проекти ширум Европа и надвор од неа, како што се Кулите-близначки во Виена, кулата Armani Ginza во Токио, реновирањето на „Беверли-центарот” во Лос Анџелес и др.

Погледнете ја оваа фотогалерија: Новите аеродроми во Русија – празник за очите