Не пропуштајте!
Придружете се на Russia Beyond на Телеграм за повеќе есклузивни содржини
Новиот меѓународен аеродром во Симферпољ ги пречекува патниците од 16 април. Изграден за рекордно време (22 месеци), ќе може да прими 6.5 милиони патници годишно и ќе го замени стариот аеродром кој од 2014 година, кога нагло се зголеми бројот на патници, работи во отежнати услови: минатата година низ аеродромот поминаа 5.1 милиони патници.
Новиот аеродром во Симферпољ е трипати поголем од стариот и, всушност, е најголем аеродром на југот на Русија.
Се наоѓа покрај селото Укромное, оддалечено 5 километри од стариот аеродром и 14 километри од Симферпољ. Зазема површина од 78.000 квадратни метри и оддалеку личи на голем бран. Аеродромот е плод на мечтата на дизајнерското биро Samoo Architects & Engineers од Јужна Кореја. Архитектите се инспирирале од природата на Крим и решиле таа да биде главен мотив на проектот.
Металната конструкција на аеродромот има околу 7.000 тони метал, а за споредва тоa е 300 тони помалку од Ајфеловата кула.
Модерниот аеродром е подигнат на местото на поле со афион, а чини 32 милијарди рубли (520 милиони американски долари). Околу 30 отсто од средствата се приватна инвестиција. Останатото го вложи државата.
Аеродромот има 55 шалтери за пријавување патници, 8 авиомостови за млазни авиони и 8 за стандардни, 16 подвижни скалила и 28 лифта, многу ресторани, кафулиња и продавници.
Но, главна атракција е огромниот зелен ѕид, најголем во Европа: на површина од 1.600 квадратни метри. Ѕидот е висок 15, а широк 110 метри, со природни и со вештачки билки кои, како што велат дизајнерите, нема да можете да ги разликувате.
Аеродром исто така има зелена градина со флора од полуостровот. „Билките ќе ја менуваат бојата во зависност од сезоната“, велат во службата за односи со јавност на аеродромот. „Ќе бидеме познати како еден од најдобрите екоаеродроми“.
Поради модерниот изглед и роботите што одеа низ ходниците првиот ден, новиот аеродром покрај Симферпољ неофицијално го нарекуваат „космопорт“.
Меѓународнит аеродром во Симферпољ постои од 1936 година, но во моментов е поврзан само со руските градови.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче