Сирија: Првпат прикажани ловци од петтата генерација Су-57 во една борбена мисија

Видеоматеријалот е објавен на „Јутјуб“. Во описот на видеото се наведува дека летот е изведен со цел потврда на тактичко-техничките можности на леталото кои ги гарантира производителот, но овој пат во услови на реална борбена ситуација.

Се нагласува дека во текот на овој лет се проверени летачко-техничките карактеристики на авионот, интелектуалниот информационо-команден комплекс, работата на сите системи на авионот вклучувајќи го и комплексот на вооружувањето во сложени климатски услови, како и други фактори кои се важни за проценка на неговите севкупни квалитети.

Се напоменува дека борбените екипажи на авионите од петтата генерација Су-57 извеле повеќе од 10 такви мисии над Сирија.

Неодамна претседателот на комитетот на Советот на Федерацијата за одбрана и безбедност генерал Виктор Бондарев изјави дека повеќенаменскиот ловец од петтата генерација Су-57 во реални борбени услови во Сирија ги потврдил сите свои карактеристики.

Погледнете го и ова видео: Сите тајни на ловецот од петта генерација Су-57

При користење на материјалите на Russia Beyond задолжителен е хиперлинк до изворот од кој е преземен материјалот.