Русите го претставуваат набилданиот „Тигар“ дизајниран врз основа на сириското искуство

Модернизираниот „Тигар-М“

Модернизираниот „Тигар-М“

YouTube
Возилото изгледа мошне помасивно од основната верзија и има поагресивен дизајн. Особено е видлива силната оклопна заштитеност на корпусот во кој се наоѓа моторот, но и на сите прозорски површини и делови на возилото каде што се наоѓаат светлата заштитени со решеткасти прегради. Редизајнирана е и внатрешноста на автомобилот, поставени се нови анти-травматски седишта, а подобрен е и вшмукувачот на воздухот.

Модернизираната верзија на оклопниот автомобил „Тигар“, унапредена врз основа на воените искуства во Сирија, ќе биде прикажана на статичката експозиција во подмосковскиот парк „Патриот“ во рамките на големиот саем на вооружување и воена опрема „Армија-2018“ кој почнува на 21 август 2018 година.

„Тигар“ доби моторен отсек со повеќе оклоп, зајакнат со панцирни плочи од бочните страна и од долната страна на возилото, потоа вграден е далеку помасивен преден браник, додека сите прозорски окна на возилото се заштитени со специјални решетки. Целосно се редизајнирани и предните светла на возилото кои се засилени со ксенонски сијалици и заштитени со решетки, а поставени се и два рефлектора на покривот на возилото. На модернизираната верзија на„Тигар“ е поставена камера која покрива полн круг околу возилото. Редизајнирана е и внатрешноста на возилото во кое се поставени нови анти-травматски седишта.

Во целина автомобилот изгледа мошне помасивно од претходните верзии, има далеку поагресивен дизајн и е офарбан во пустинска камуфлажа. Сите применети подобрувања се резултат од насобраното воено искуство во експлоатацијата на возилото во Сирија. Возилото е развиено врз база на автомобилот за специјална намена АСН 233115 „Тигр-М-СпН“.

Треба да се додаде дек паралелно со овој проект се работи на развој на нова генерација возила „Тигар“, која компанијата ВПК треба да ја претстави кон крајот на 2018 година.

Прочитајте повеќе: Тестиран блиндираниот автомобил „Тигар“ со топ калибар 30 мм

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња