Сириски фронт: Рускиот тенк Т-72Б3 ударна тупаница на сириската армија во офанзивата на Голан

Григориј Сисоев/Sputnik
Со употребата на 9М119 „Рефлекс“ (НАТО AT-11 „Sniper“) овие тенкови од безбедна оддалеченост на чистиот фронт пред сириските сили кои се составени од голем број огнени точки. Тенкот се одликува со исклучително силна оклопна заштита и подвижност.

Овие тенкови за првпат се забележани на просторот на јужна Сирија. Претходно сириските оклопни единици користеа главно модернизирана верзија на тенкот Т-55МБ и различни модификации на тенковите Т-72 кои се разликуваа според степенот на оклопната заштита (основен оклоп + реактивни плочи + импровизација од челични плочи, вреќи со песок и гума).

Првата информација за употребата на најновите модификации на рускиот основен борбен тенк т_72Б3 во сириските оклопни единици се појави во март 2017 година. Овие тенкови во содејство со исто така руските Т-90А учествуваа во операцијата за разбивање на терористички формации на истокот од Сирија, односно за време на ослободување на Палмира и Акербат.

Тогаш оваа верзија на тенкот за првпат во борбени услови испроба и еден од своите адути во борбата против непријателот. Станува збор за наведувачката ракета која се испукува од топот со кратка цевка 2А46М-5 која ја носи ознаката 9М119 „Рефлекс“ (НАТО AT-11 „Sniper“). За време на операцијата против исламистичките терористи во провинцијата Хама (офанзивата на Акербат), по нив беше дејствувано и со овие ракети кои речиси со 100% успешност уништија голем број непријателски цели. Дејството го изведуваа тенковите Т-72Б3 кој се наоѓа во вооружувањето на елитната сириска бригада на доброволци „Пустински соколи“.

ОБТ Т-72С со фотонапонски соларен панел, Сирија јули/2018

Нејзината основна намена е ефикасно водење борба против сите видови стационарни и подвижни цели на оддалеченост и до 5.000 метри. Ракетата на целта се наведува со помош на ласерски сноп. Нејзината средна брзина за време на совладувањето на оваа дистанца достигнува околу 300 метри во секунда. Се карактеризира со спирална траекторија на летот. Составена е од тандем-кумулативни воеви глави со маса од 4.5 килограми која може да пробие и до 800 милиметри тенковски оклоп заштитен со елементи за пасивна ракетна заштита.

За погодокот со оваа ракета да биде стопроцентен, Т-72Б3 е опремен со повеќеканален систем за управување со огнот „Сосна-У“ кој се состои од термовизиска камера од втора генерација, ласерски далномер, посебен канал за наведување на ракетата кој се исфрла од топот, и блок електроника за автоматско следење на зафатената цел. Овој комплекс е способен да открие и да следи цели што се тешковоочливи во услови како што е на пример длабока ноќ или мошне неповолни временски услови предизвикани од ниска облачност и силни врнежи.

Сириското воено искуство доведе до понатамошно унапредување на верзијата Т-72Б3 која сега на единиците на руската армија им се испорачува со зајакнат одечки дел на тенкот и местото каде се наоѓа моторот. Исто така, силата на моторот е зголемена на 1.150 коњски сили со што во голема мера е зголемена неговата страртност и брзинските карактеристики.

Прочитајте повеќе за најмоќното руско оружје: Шест видови вооружување за кое не постои одговор

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња