Сирија: Советските/руски тенкови Т-72 користат одржлива соларна енергија преку фото-напонски панели?

ОБТ Т-72С со фото-напонски соларен панел, Сирија јули/2018

ОБТ Т-72С со фото-напонски соларен панел, Сирија јули/2018

YouTube
На видеоматеријалот што се појави на канал на „Јутјуб“, се гледа основниот борбен тенк од советско/руско потекло Т-72С од составот на Сириската арапска армија (дивизија „Тигар“), кој на предниот дел на својата купола има табла која неодоливо потсетува на соларен панел.

Сириската арапска армија од ден на ден сѐ повеќе напредува во правец на Голанската висорамнина со што практично целата територија на оваа земја која се граничи со Јордан ќе биде под цврста контрола на Дамаск.

Во најновата операција учествува и веќе легендарната дивизија „Тигар“, која заедно со останатите сириски единици кои доаѓаат од редовите на Републиканската гарда и доброволечките одреди, успешно напредуваат на сите правци. Се разбира, овие единици во најголема мера користат советска/руска воена техника.

Меѓутоа, она што е особено интересно е кадарот кој трае неколку секунди во тој филм, а на кој се гледа основниот борбен тенк Т-72С кој на својата купола очигледно има соларен фото-напонски панел.

Не се знае точно колку ова средство е ефикасно/силно за напојување на електронските компоненти во овој тенк и за што конкретно служи, но очигледно е дека има своја намена.

Прочитајте повеќе: Ирачаните од пепел ја подигаат својата „мртва“ дивизија со руски тенкови Т-90С

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња