Обелоденети карактеристиките на рускиот нуклеарен длабоководен апарат без екипаж

Јавноста дозна колкава моќ има нуклеарното полнење на руската беспилотна подморница „Посејдон“.

Како што се дознава, главната задача на ова суперсовремено оружје е уништување на военопоморски бази на потенцијалниот непријател. Нуклеарниот мотор му овозможува на „Посејдон“ да преминува интерконтинентални далечини на длабочина поголема од еден километар со брзина од 60-70 јазли, изјави извор во военоиндстрискиот сектор, пренесува агенцијата ТАСС.

Оваа подморница без екипаж може да носи различни нуклеарни боеви глави. Најмоќна ќе биде компактната термонуклеарна боева глава со сила од 2 мегатона. Слична боева глава ќе носи и хиперсоничниот ракетен систем „Авангард“.

„Посејдон“ е потполно роботизирана брза длабоководна нуклеарна подморница која тешко може да се детектира.

Кон крајот на 2017 година успешно беше тестиран нуклеарниот погонски систем за подморница-робот. По конкурсот за избор на имиња на новото оружје, распишан од руското Министерство за одбрана, беше решено длабоководниот беспилотен апарат да го добие името „Посејдон”.

Прочитајте повеќе: Француски адмирал воодушевен од руските подморници

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе