„Пересвет”, „Посејдон” и „Буревесник”: Русите му дадоа име на најновото руско оружје

YouTube
Руското Министерство за одбрана соопшти дека граѓаните на Русија со гласањето на сајтот на воениот ресор ги одбраа имињата за најновото оружје за кое зборуваше претседателот на РФ Владимир Путин при обраќањето до Федералното собрание на 1 март.

Како што е соопштено, новиот борбен ласерски систем ќе го носи името „Пересвет”, крстосувачката ракета на нуклеарен погон го доби називот „Буревесник”, а беспилотниот подводен апарат - „Посејдон”.

„Од самиот почеток овие називи беа во водство. Имаше многу екзотични и добри предлози. Луѓето избраа. Денес ќе бидат испишани „изводите на родените“, објасни заменик-министерот за одбрана на Русија Јуриј Борисов.

Според него, овие „називи се многу впечатливи”. „Тие ја пренеуваат и специфичноста на тоа оружје и сферата на неговата примена. Но, независно од тоа какво име носат, тоа е всушност изборот на народот и за тоа веќе не се расправа“, истакна Борисов.

„Знаете, постои изреката: како ќе го наречеш бродот, така и ќе плови. Народот му даде име на оружјето и тоа така и ќе се однесува“, додаде заменик-министерот.

Гласањето на сајтот на Министерството за одбрана за изборот на имињата за најновото руско вооружување заврши на 22 март точно во 20 часот по московско време.

Ова е првиот случај во историјата на Русија народот да бира со гласање назив на оружјето. Претходно називите за оружјата ги избираа претставниците на војската, истакнува агенцијата newsru.com.

Прочитајте повеќе за руското супероружје од кое нема одбрана: Со што го шокираше Путин светот?

При користење на материјалите на Russia Beyond задолжителен е хиперлинк до изворот од кој е преземен материјалот.

Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња