Видео: Тестирање на најновиот борбен роботизиран систем „Уран 9“

Видеоснимката што ја направи Министерството за одбрана на Руската Федерација ја прикажа телевизиската станица „Ѕвезда“. Овој повеќенаменски систем со кој се управува далечински ќе може да се види на 9 мај на Парадата на Победата во Москва. Како што велат од одделението за информирање и медиуми на рускиот воен ресор, на парадата покрај роботизираните системи „Уран 6“ и „Уран 9“ ќе учествуваат и беспилотните летала „Катран“ и „Корсар“.

Борбениот повеќенаменски роботизиран систем „Уран 9“ е наменет за заштита на жива сила од непријателски напад и обезбедување на нејзино повлекување пред напад. Може да уништува не само жива сила и леснооклопна техника, туку и потешки тенкови. На борбените машини без екипаж се поставени противтенковски наведувани ракети „Атака“, автоматски топ 2А72 со калибар 30 мм, како и митралез со калибар 7,62 мм, пренесува „Росијскаја газета“.

Прочитајте повеќе: Руската војска ги покажа можностите на борбениот робот „Уран-9“

При користење на материјалите на Russia Beyond задолжителен е хиперлинк до изворот од кој е преземен материјалот.