Русија ја спушти во вода единствената лебдечка нуклеарна електрана

„Академик Ломоносов“

„Академик Ломоносов“

Антон Ваганов/TASS
Неколку земји веќе ја испробаа технологијата на лебдечки нуклеарни реактори, вклучувајќи ги Кина и САД. Но, изгледа дека рускиот „Росатом” ќе ја поседува единствената денес постојна инсталација од овој тип. Се работи за „Академик Ломоносов“ со капацитет од 70 мегавати.

Лебдечкиот нуклеарен реактор кој тргна од Санкт Петербург првин ќе помине покрај бреговите на Норвешка до градот Мурманск, каде реакторот ќе биде наполнет со гориво. На своето прво патување ќе замине на Арктикот, каде ќе го очекуваат околу 100000 жители на градот Певек на Чукотка. Лебдечката електрана исто така ќе обезбеди енергија за фабриката за дестилација на вода и за нафтените дупчалки.

Изградбата на лебдечкиот реактор почна во 2007 година. Различни извори проценуваат дека чинела околу 232 милиони долари. „Росатом” првично планираше да го наполни реакторот со гориво во Санкт Петербург, но некои балтички држави и организацијата „Гринпис” се спротивставија на таа идеја, па полнењето со гориво е префрлено за Мурманск. Клучниот проблем е, според „Гринпис”, опасноста од лебдечкиот реактор во океанот кој е веќе загрозен и загаден.

Лебдечкиот реактор треба да ги замени застарената Билибинска нуклеарна електрана и Чунската хидроелектрана. Ќе почне со работа во 2019 година.

Првата лебдечка нуклеарна електрана беше MH-1A, произведена во Америка 2014 година. Реакторот со вода под притисок беше дел од поголем проект на американската воена програма со цел да се обезбеди енергија во оддалечени региони.

Прочитајте повеќе: Безопасен атом: вистина или лага?

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе