Американски медиуми: Рускиот Су-27 претставува сериозен противник во воздухот

Су-27

Су-27

Виталиј В. Кузмин
Американскиот магазин „Национален Интерес“ (National Interest) го опиша рускиот авион-ловец Су-27 како најдобриот борбен авион од плејадата легендарни советски воздухоплови кој кај членките на НАТО и ден-денес предизвикува голем страв.

Според мислењето на авторот на текстот, при развојот на Су-27 проектантите ги имале предвид можностите на F-15, па затоа рускиот авион не заостанува зад него во поглед на брзината и применетото вооружување.

Според пишување на американскиот магазин, рускиот ловец е проектиран со цел остварување на доминација во воздушниот простор, меѓутоа, тој се покажа како флексибилен и успешен при изведувањето на удари врз копнени цели.

Авторот на статијата укажува на импресивните можности на Су-27. Како што се истакнува во текстот, искусните пилоти кои управуваат со овие летала можат да изведат низа спектакуларни маневри од кои некои се видени на аеромитинзите во Русија и Ервопа. Максималната брзина на ловецот притоа изнесува 2,35 маха, а под крилата борбената машина носи цел комплет бомби и ракети.

Како што се наведува, врз база на Су-27 настанаа разни модификации на борбени машини, специјализирани за извршување нас специфични задачи, но авионот ја задржал својата универзалност.

Во медиумите вчера беше објавено дека руски ловец Су-27 пресретнал американски патролен противподморнички авион Boeing P-8 „Посејдон“ над Балтичкото море.

Во вооружувањето на Воздушно-космичките сили и борбената авијација на Воената морнарица на Русија навистина се наоѓаат неколку модификации на ловецот Су-27, вклучувајќи ја и најсовремената верзија Су-27СМ3, истакнуваат медиумите. Меѓутоа, како што се наведува во текстот, голем број на ловци Су-27 плански се заменети и тоа не со модернизирани авиони, туку со апсолутно нови летала Су-30СМ и Су-35С.

Погледнете го видеото: Пентагон покажува како Су-27 пресретна американски шпионски авиони

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња