Во битките кај Дамаск повторно забележан рускиот „Змеј Горинич“

УР-77 „Метеорит“ познат како „Змејот Горинич“.

УР-77 „Метеорит“ познат како „Змејот Горинич“.

Виталиј Кузмин
Во борбите против терористите на таканаречената „Исламска држава“ борците на сириската републиканска армија го користат и средството за деминирање на терен УР-83П, полесна верзија на познатиот „Змеј Горинич“ - УР-77 или „Метеорит“.

Основниот механизам на „Змејот Горинич“ за уништување на поставените мини претставува силниот ударен бран што го создава експлозивното полнење, односно ракетата УЗП-77 истрелана од фрлачот УР-77. Покрај ракетата, експлозивното полнење се наоѓа и во специјалниот детонирачки кабел ДКРП-4, кој паѓа на земјата заедно со ракетата. Овој кабел е наполнет со 18-22 експлозивни полнења/секции, секоја тешка по 40 кг, составени од високобризантен пластичен експлозив врз база на хексоген и алуминиум, што севкупно создава страшна експлозија еквивалентна на дури 1000 кг ТНТ! 

Ова експлозивно полнење се истрелува со помош на ракетни мотори на цврсто гориво ДМ-70, овозможувајќи ѝ на ракетата да прелета 200-500 метри. Ударниот бран механички дејствува на запалките на поставените мини, по што доаѓа до нивно детонирање.

Употребата на УР-77 гарантира создавање на безбедна „бреша“ во минско поле со должина од 100-115 метри и ширина од околу 6 метри, што е доволно за безбедно поминување на тенковска колона. Покрај тоа, ова средство многу ефикасно може да уништи и посеани противпешадиски мини, создавајќи малку поширок простор за пробив на трупи (до 14 метри).

Погледнете како рускиот „триглав змеј“ уништи терористички снајпери во Сирија

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња