„Панцир-МЕ“ првпат презентиран во странство

Ростех
Компанијата „Ростех“ ги демонстрира најновите модели на руско оружје на меѓународната изложба „Defexpo India 2018“. Првпат надвор од границите на Русија е претставен противвоздушниот ракетно-артилериски систем „Панцир-МЕ“.

„На воено-поморската изложба одржана минатото лето во Санкт Петербург имавме можност да го оцениме извозниот потенцијал на ова противвоздушно оружје. „Панцир-МЕ“ го привлече вниманието на стручњаците на поморските сили, вклучувајќи ги и членките на НАТО. Во светот не постои друго оружје од таков вид и тешко дека ќе се појави во скоро време“, ги наведува информативната служба на компанијата „Ростех“ зборовите на Сергеј Абрамов, индустриски директор на кластерот „Вооружување“.

Според него, „Панцир-МЕ“ во радиус од 20 километри го штити бродот од сите современи средства за напад од воздух – крстосувачки ракети, надзвучни противбродски ракети, авионски бомби и беспилотни летала.

„Панцирь-МЕ“, отворање на 8 меѓународен поморски салон во Санкт Петербург, 28 јуни 2017.

Системот овозможува да се одбијат истовремени воздушни напади од различни правци. Во сектор од 90 степени тој може во исто време да гаѓа 4 цели. „Панцир-МЕ“ практично нема „слеп агол“, т.е. може детално да го види секој објект во воздухот, вклучувајќи и падобрани. Радарско-оптичкиот систем се состои од три радари: оптички радар, радар за откривање на цели оддалечени 50 километри и радар за следење на цел.

Системот за управување со стрелбата е заснован врз примена на фазна антенска решетка (радарите ги следат и целта и сопствените ракети). Ракетите ја уништуваат целта со повеќекратни боеви глави, т.е. со цел облак остри челични шрапнели. „Панцир-МЕ“ има два шестцевни топа калибар 30 мм кои истрелуваат 5000 проектили во минута.

Прочитајте повеќе: Во Сирија тестираат артилериски систем за бродови од следната генерација

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња