Небесна грабливка: Сите тајни на Су-35 во една видеоснимка

Су-35С

Су-35С

Виталиј В. Кузмин
Пред десет години ловецот Сухој Су-35 го изведе својот прв лет. Во чест на јубилејот руската телевизија „Ѕвезда” објави ефектен спот во кој открива некои тајни на ова уникатно борбено летало.

За разлика од својот роднина Су-30-СМ, кој може да работи во тим, Су-35 е чист ловец наменет за стекнување надмоќ во воздухот и за чистење на небото од непријателски летала. Авионот со таа цел е добро опремен: радарот е способен да детектира цели на растојание од 400 километри, а наведуваните ракети со голем дострел го соборуваат пред непријателот да сфати што се случува. Моторите со променлив вектор на потисок и вкупна влечна сила од над 17 тони му даваат на ловецот Су-35 исклучителни маневарски способности. Фигурите кои овој авион ги изведува во показните летови ги воодушевуваат посетителите на саемите за воздухопловство ширум светот, а во воздушните битки ваквата способност за маневрирање, кај која изгледа дека не постои инерцијата, му дава на ловецот клучна предност. Максималната брзина на Су-35 е 2500 километри на час. 

Благодарение на напредниот систем за електроника авионот може рамноправно да води битка со ловците од петта генерација и стелт технологија за него не претставува проблем. На 12 точки за носење оружје Су-35 може да носи до 8 тони товар. Својата ефикасност ја потврди во Сирија. Американскиот магазин „Национален Интерес“ го вбројува овој авион меѓу најопасното руско оружје. Тој е смртоносен за повеќето авиони на НАТО благодарение на големиот број ракети од класата „воздух-воздух“ и можноста за нивна примена при суперсонични брзини, смета американски аналитичар.

Исклучителните борбени карактеристики на овој авион предизвикуваат интерес кај купувачите од странство. Првата серија Су-35 замина за Кина, а неодамна договор за испорака на овој авион со Русија склучи и Индонезија.

Прочитајте зошто рускиот Су-35 е „голема неволја“ за F-35

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе