Индонезија ѝ нуди на Русија кафе, чај и палмино масло во замена за Су-35

07 август 2017

Руска реч на македонски

Су-35.

Sukhoi.org

Властите на Индонезија имаат намера да ѝ испорачуваат на Русија кафе, чај, палмино масло и други суровини во замена за Су-35, изјави индонезискиот министер за трговија Енгартиасто Лукита.

Според Лукита, се работи за стокова размена под надзор на владите на Русија и Индонезија. Таа вклучува „од една страна 11 ловци Су-35, а од друга - кафе, палмино масло, чај и друга суровинска роба“, пренесува „Взгљад“.

Минатата недела „Ростех“ и индонезиската компанија во државна сопственост The Indonesia Owned Enterprises State Trading Company потпишаа меморандум за соработка во кој се предвидува програма на контратрговија според договорот за испорака на ловци Су-35 на Индонезија.

Претходно амбасадорот на Индонезија во Русија Вахид Суприади изјави дека неговата земја сака да купи осум нови повеќенаменски ловци Су-35. Подоцна нивниот број ќе се зголеми на 16.

Су-35 – машина што воодушевува и плаши

При користење на материјалите на Russia Beyond задолжителен е хиперлинк до изворот од кој е преземен материјалот.

економија русија и азија су-35 индонезија Накратко