Во Русија се прави беспилотен млазњак

Беспилотно летало „Дањ-М“

Беспилотно летало „Дањ-М“

ОКБ „Симонов“
Конструкторите на експериментално-конструкторското биро „Симонов“ во Казањ ќе конструираат за руската војска перспективно беспилотно летало на млазен погон. Се претпоставува дека новото летало ќе развива брзина од 750 до 950 км/час, а ќе биде тешко од 4 до 5 тони.

„Тоа треба да има турбомлазен мотор благодарение на кој ќе може да лета барем двапати побрзо од елитните летала од иста класа“, цитира РИА „Новости“ претставник на воено-индустрискиот сектор.

Претходно во Казањ беше конструирано беспилотното летало „Дањ-М“ кое служи како цел и ги имитира авионите на тактичката авијација и крстосувачките ракети од типот на „Томахавк“.

Оваа воздушна цел полетува од копнен лансер со помош на акцелератор на барут, а слетува со помош на падобран. Во хоризонтален лет развива брзина од 300-700 км/ч. Може да лета од 25 до 70 минути на висина од 50 метри до 9 километри.

Погледнете  Како се произведуваат руските беспилотни летала

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња