Руската војска ќе добие роботизирана „капа-невидливка”

Виталиј В. Кузмин
Проектот на санктпетербуршкото научно-производствено претпријатие „Адвент” ќе им овозможи на руските сили за радијациска, хемиске и биолошка заштита (РХБО) да креираат на бојното поле во најкраток рок непровидна чадна завеса.

За разлика од аналогните средства кои денес се користат и кои ја распрскуваат смесата директно од генератор на чад на возилото, дисперзниот систем на далечинско управување (КДУД) користи специфичен модул за катапултирање кој може да исфрла стотици чадни бомби.

Тако чадното поле не настанува централизирано, туку истовремено од неколку точки, што значително го намалува времето потребно за криење на борбената позиција или важен објект, така што најпрвин се сокриваат најранливите места. Притоа за камуфлажа на теренот може да се користи само едно возило.

Специфичноста на уредот е постигната благодарение на системот за сателитска навигација и моќниот компјутер со однапред инсталирани карти на локациите. На картите се означуваат деловите на теренот кои автоматски ќе се прикриваат со чадната завеса.

Катапултот може да носи резерва од 350 чадни бомби, а неговото полнење трае најмногу 3,5 часа.

Масата на систем, кој е заснован на трооскин КамАЗ-ов камион, со полн капацитет на опрема изнесува 17,5 тони, а екипажот го сочинуваат 3 лица.

Според мислењето на воените стручњаци, КДУД, како капата-невидливка од руските бајки, сигурно ќе ги крие единиците на различни родови војска од непријателските средства за извидување и високопрецизното оружје.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња