Пентагон ги наброја главните предности на руската армија

Интерконтинентални балистички ракети „Точка-У“

Интерконтинентални балистички ракети „Точка-У“

Russian Look/Комсомольская Правда/Global Look Press
Русија и Кина ги изедначија силите со САД во сферите како што се радиоелектронската борба, сајбер можностите, борбата против сателити, противбродските крстосувачки ракети и балистичките ракети, изјави претседавачот на Здружениот комитет на началниците на штабовите на САД генерал Џозеф Данфорд.

„Последниве 10-15 години нашата предност во конвенционалното оружје се топеше и таа веќе не е толку убедлива како пред неколку години“, го цитираат медиумите американскиот генерал. 

Русија и Кина, според него, внимателно ги проучувале сите операции на американската војска, почнувајќи од војната во Персискиот залив 1990 година и вложувале средства во развојот на перспективните видови оружје за да ја намалат предноста на САД. Данфорд исто така изјави дека е сигурен дека Русија не сака да започне војна против САД или НАТО.

Неодамна началникот на Генералштабот на РФ Валериј Герасимов изјави дека Русија поседува ненуклеарен систем за стратешко одвраќање. Неговата основа ја сочинуваат оперативно-тактичките комплекси „Искандер-М“ и крстосувачките ракети „Калибар“ и Х-101. Тоа високопрецизно оружје дава можност да се контролираат морскиот и воздушниот простор на Балтичкото, Баренцовото, Црното и Средоземното море“, рече Валериј Герасимов.

Развојот на таквото прецизно оружје и суперсоничните ракети овозможува задачата за стратешко одвраќање да се пренесе од нуклеарната во ненуклеарната сфера, додаде тој.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња