Научната фантастика станува реалност: Во Русија презентирано летечко такси

Новиот проект го доби називот „Формула проект“ (Formula Project). Летечкото такси може да прими 5 патника. Творците на овој автомобил тврдат дека тоа не е проект на иднината туку на денешнината. Според функционалноста и комфорот е слично на обичен автомобил и лесно може да се смести на едно паркинг место.

Апаратот се движи со помош на 52 помали турбини „Вентури“  (Venturi) и склопливи крила. 48 турбини го обезбедуваат полетувањето и слетувањето, а останатите 4 се задолжени за хоризонтално движење.

„Формула проект“ работи на струја. Без дополнување на акумулаторот може да прејде 450 километри, а максималната брзина што ја развива овој летечки транспорт изнесува 320 км/час.

Инженерите најавуваат дека првиот работен прототип ќе го претстават во 2018 година.