ПК-15Л – пиштол за XXI век
Во единиците на руската војска и полиција наскоро ќе дојде до замена на легендарниот пиштол „Макаров“. Него судејќи според сѐ ќе го замени исклучително компактниот пиштол „Лебедев“ ПК-15Лу со калибар 9×19 мм. Ова оружје е дело на рускиот инженер-конструктор од компанијата „Калашников“ Дмитриј Лебедев, а една од неговите клучни карактеристики е одличната ергономија и балансот, со што се постигнува висока прецизност при стрелањето. Во неговата конструкција се применети искуствата на професионалци кои работат во специјалните единици на руската војска и полицијата, но и на најдобрите спортисти во дисциплини како што е спортското стрелаштво. И според изгледот пиштолот неодоливо потсетува на пиштолите кои се користат во натпреварите во стрелаштво.
Во прилог на исклучителни ергономија, кој производителот нема еднакви во светот, во неговата изработка беа користени супериорен материјали, кои ги зголемуваат functionalist и стабилноста на оружје за време на интензивна употреба. Така, на пример. кога за тестирање на овој пиштол надвор од цевка ispano повеќе од 10.000 pancernych 7Н21 круга и пиштол не ја изгуби својата ефикасност. Ресурс цевката е поголем при користење на конвенционалните муниција.
Покрај исклучителната ергономија, на која според производителот ѝ нема еднаква во светот, во неговата изработка се користени и врвни материјали кои ги зголемуваат функционалноста и отпорноста на оружјето при интензивна примена. Така, на пример, при тестирањето на овој пиштол од една цевка се истрелани повеќе од 10000 панцирни куршуми 7Н21, а пиштолот воопшто не ја изгуби својата ефикасност. Ресурсот на цевката е многу поголем кога се користи обична муниција.
ПК-15Л се карактеризира со модуларна конструкција, така што може многу лесно да се замени комплетната цевка и другите видливи елементи на пиштолот. Исто така, на пиштолот може да се интегрираат и разни додатоци како тактичко светло, ласерски покажувач и придушувач. Масата на празниот пиштол изнесува 720 грама, додека наполнет тежи помалку од 1 килограм. Максималниот капацитет на рамката е 15 куршуми со калибар 9x19 мм.
СВЧ - снајперска пушка за сите временски услови
Покрај овој пиштол, Министерството за одбрана на Руската Федерација и Росгвардија се заинтересирани и за набавка на новата снајперска пушка на конструкторот Чукавин (СВЧ). Се работи за полуавтоматска пушка која ќе се произведува со 3 калибри: 7,62х54мм, 7,62х51мм и .338 Лапуа Магнум. Засега е познато дека во дизајнерска но и во функционална смисла оваа пушка ќе се разликува од традиционалната шема, карактеристична за советските/руските снајперски пушки. Нејзините нов дизајн и функционалност ќе го поедностават монтирањето на различни видови на нишани, особено на ноќните термовизиски оптички уреди и ќе ги намалат вкупните габарити и ќе ја поедностават постапката за чистење и одржување. Поради големиот интерес на странските партнери за новата снајперска пушка СВЧ, речиси е извесен и нејзиниот висок извозен потенцијал.
Ак-12 - хируршка алатка во состав на борбениот комплет „Ратник“
Russia Beyond
Што се однесува до автоматските пушки, на прво место треба да се издвои 5 генерација на познатиот „Калашников“ (моделите АК-12 со калибар 5,45 мм и АК-15 со калибар 7,62 мм). АК-12 со успех го помина збирот од многу сложени тестови и од 2018 година се планира нејзино сериско производство и воведување во оперативните единици на руската војска и полицијата (Росгвардија). Оваа пушка ќе биде интегрален дел на тактичкиот борбен систем „Ратник“. Покрај оваа пушка се очекува и испорака на моделота АК-105 калибар 5,45х39 мм. При нејзината изработка беа применувани нови, далеку поотпорни материјали. Особено е усовршено производството на цевката на пушката која обезбедува поголема прецизност. Исто така, извршени се и зафати на нејзиниот дизајн кои сега овозможуваат далеку полесна манипулација со оружјето.
РПК-16 - совршен „хибрид“ на автоматска пушка и пушкомитралез
Концерн „Калашников“
И на крај треба да се истакне новиот пушкомитралез РПК-16, кој исто така треба да влезе во сериско производство следната година. РПК-16 претставува радикална модернизација на рускиот пушкомитралез РПК-74. Ќе се одликува со модуларен дизајн и едноставност, која ќе овозможува замена на цевката на пушката во услови на борба. Во борбениот комплет ќе има 2 цевки (кратка и долга) кои ќе овозможат брза пренамена на оружјето во класична автоматска пушка или во пушкомитралез. Ќе има рамки со капацитет од 30/50 куршуми, како и барабан со капацитет од 96 куршуми. Самиот облик и надворешниот изглед на пушкомитралезот РПК-16 дозволува да се додадат цел спектар додатоци („Пикатини“ шина), како на пример различни модели на оптички нишани што го прави практично снајперско оружје, холографски нишани, ласерски обележувачи на цел, потоа инсталација на преден ракофат заради полесна манипулација со оружјето, тактички лампи, придушувачи итн. И за овој пушкомитралез владее голем интерес кај странските армии и полициите, така што има гарантиран голем извозен потенцијал.