Што видовме на Московскиот авиокосмички салон во новиот милениум?

На 18 јули во подмосковскиот град Жуковски се отвори Меѓународниот авиокосмички салон МАКС. Во петокот, 14 јули, ТАСС потсети на главните новини на изложбата од почетокот на милениумот

МАКС-2001: Ловец МиГ-29ОВТ

За време на изложбата за првпат беа покажани новите МиГ-29M2 и МиГ-29ОВТ (со контрола на векторот на гравитацијата). Присуството на оваа технологија овозможува ловецот да се движи под поголем агол и брзина, но, и нагло да запира и ги зазема речиси секаква позиција под агол, што прави непредвидлив за противникот во воздухот.

МАКС-2003: Повеќенаменски авион-амфибија Бе-200ЧС

Бе-200ЧС е наменет за гаснење пожари, укажување итна помош во погодени реони, потрага и спасување на настрадани во вода, превоз на санитарни и прехранбени продукти, како и мониторинг на животната средина.

МАКС-2005: Прототипови на регионалниот млазен авион Ан-148

Првпат беа покажани два прототипа на млазниот авион Ан-148, наменети за замена на регионалните Ту-134 и Јак-42.

Важно за МАКС-2005 беше учеството на САД, кои презентираа 9 борбени авиони, вклучувајќи ги ловците F-15  и F-16 и првпат го покажаа во Русија стратешкиот бомбардер B-1B.

МАКС-2007: Повеќенаменски ловец Су-35

Ссоставувањето на првиот прототип на Су-35 беше завршено во летото 2007 година. Повеќенаменскиот суперманеварски ловец од генерацијата 4++ со мотори со контрола на векторната гравитација Су-35 е произведен од „Сухој“..

Во MAKС-2007 Русија, исто така, првпат го покажа и ракетниот систем С-400, а големо внимание беше посветено на проектите  Сухој Суперџет 100 (Sukhoi Superјet 100) и ГЛОНАСС.

МАКС-2009: Школски борбен авион Јак-130

Јак-130 е млазен школско-борбен авион со две седишта од нова генерација. Сериското производство на леталата почна во 2013 година и оттогаш пилотите од базата за обука на Краснодарското високо воено авијациско училиште добија повеќе од 80 такви авиони.

МАКС-2011: Ловец од 5 генерација Т-50

Главната премиера на авио-изложбата беше презентацијата на рускиот авион од 5 генерација Т-50, кој сѐ уште се наоѓа во процес на разработка. Два прототипа на овој авион учествуваа во програмата со летови. Две години подоцна – на МАКС-2013, првпат беше демонстрирана група од 3 ловци. Перспективниот борбен авион Т-50 (ПАК-ФА) го реализираше својот прв лет во 2010 година.

МАКС-2013: Патнички авион за средни далечини Ту-204СМ

Модернизираната верзија на Ту-204 се разликува од претходните авиони од семејството според подобрените летечко-технички и работни карактеристики. На МАКС-2013 корпорацијата „Иркут“ исто така го претстави и новиот ловец Су-30СМ, а за време на летачката програма авионот исполни цел комплет од акробатски фигури.

МАКС-2015: Палубен хеликоптер Ка-52К

Првпат беше претставена модофикацијата на бродскиот хеликоптер Ка-52К. До 2019 година се планира да заврши тестирањето на овие летала, по што ќе почнат испораките на Ка-52 и за војската. 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња