Московското „метро-лајт“ првиот месец вози бесплатно

Московската централна кружна железничка линија (МЦК) ќе биде свечено отворена на 10 септември на Денот на главниот град.

Москва ќе добие „метро-лајт“

Во текот на првите месец дена од работата, кога превозот ќе биде бесплатен, градските власти планираат да се запознаат со предлозите и забелешките на граѓаните на работата на новата линија и да ги поправат пропустите, напиша градоначалникот на Москва Сергеј Собјанин на „Твитер“.

Московската централна кружна железничка линија ќе има вкупно 31 станица, а од секоја ќе може да се префрлите на патничкиот градски сообраќај. Притоа на 17 станици ќе биде можно да се префрлите на метро, а на десет на приградската железница. На картата МКЦ ќе биде обележана со бела боја со црвени контури.

Цената на картите ќе биде иста како и за метрото, а ако префрлувањето на метро се изврши во рок од 90 минути од качувањето на МКС, возењето ќе биде бесплатно, пишува „Мослента.ру“.

Сите права ги задржува „Росијскаја Газета“.