Асад: Путин e најпопуларниот политичар во Сирија

12 април 2016

Руска реч на македонски

„Рускиот претседател Владимир Путин е најпопуларниот политичар во Сирија“, изјави сирискиот претседател Башар ел Асад при средбата со групата парламентарци од Русија и ѝ се заблагодари на Москва за поддршката во борбата против тероризмот, но и за економската и хуманитарната помош.

Асад ѝ се заблагодари на Москва за помошта во борбата против тероризмот, за хуманитарната помош и економската поддршка. Сирискиот претседател изјави дека Путин во Сирија ужива толкав углед што би можел слободно да се најде на која било положба во оваа земја.

u0422u0430u0458u043du0430u0442u0430 u0430u0433u0435u043du0434u0430 u043du0430 u041fu0443u0442u0438u043d u0432u043e u0421u0438u0440u0438u0458u0430

На состанокот е разговарано и за идните парламентарни избори во Сирија кои ќе бидат одржани на 13 април, како и за обновата на ослободената Палмира со помош на руското претприемништво. Главните работи би можеле да ги преземат големите руски државни фирми, изјави рускиот парламентарец Гаврилов.

Асад на состанокот позитивно ги оцени „можностите за мирно регулирање на ситуацијата во Сирија во рамките на Женевскиот дијалог“.

Сенаторот Дмитриј Саблин изјави дека сириската делегација планира да тргне на преговори во Женева по парламентарните избори кои претседателот Асад ги закажа неколку часа по усогласувањето на примирјето во оваа земја од страна на Русија и САД, пишува „Взгљад“.

Сите права ги задржува „Росијскаја Газета“.

конфликт во сирија Накратко