Русија може да ја забрани продажбата на алкохол на лица под 21 година

Во 2012 и 2013 година во Државната дума веќе биле разгледувани слични предлог-закони, но тогаш тие не ја добија соодветната поддршка од повеќето пратеници.

Во Државната дума на Русија се разгледува предлог-закон за забрана на продажбата на алкохол на лица до 21 година, пишува весникот „Известија“.

Предлог-законот е подготвен од првиот заменик претседател на комитетот за социјална политика во Советот на Федерацијата, Вјачеслав Фетисов.

„Повеќе од 70% од нашите граѓани, според анкетата на ВЦИОМ, го поддржаа овој проект“, изјави Фетисов. „Се надеваме дека отсега, и покрај напорите на лобистите, власта ќе послуша што сака нашиот народ“.

Неговата иницијатива ја поддржува и претседателот на „Сојуз за народна трезност“, Александар Карпачев. „Ако ги растеме новите поколенија во вакви услови, тогаш нашата демографија неминовно ќе страда. Во другите земји, вклучувајќи ја и Швајцарија – веќе одамна посоти ваква забрана“, забележува Карпачев.

Во 2012 и 2013 година во Државната дума веќе биле разгледувани слични предлог-закони, но тогаш тие не ја добија соодветната поддршка од повеќето пратеници. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња