Лавров: Русија подготвува кандидатура за домаќин на Летните олимписки игри 2036 година

Ова го соопшти министерот за надворешни работи на Русија Сергеј Лавров на средбата со победниците и наградените на Олимписките игри во Народниот военоисториски музејски комплекс на Големата татковинска војна „Самбечки висорамнини“, пренесува ТАСС.

„Се разгледува. Се подготвуваат пријавите“, одговори тој на прашањето дали Русија ја разгледува можноста да биде домаќин на Летните олимписки игри 2036 година. „Неколку градови: со сигурност Санкт Петербург, Казањ, мислам“.

Тој, исто така, им препорача на претставниците на Ростовската област да не го одолговлекуваат поднесувањето пријави ако сакаат на свој терен да ги одржат Олимписките игри. „Неколку градови веќе поднесоа пријави, така што не одолговлекувајте“, рече министерот.

Олимпијадата во 2024 година ќе се одржи во Париз, во 2028 година во Лос Анџелес, додека во 2032 година ќе биде во австралискиот град Бризбејн.

При користење на материјалите на Russia Beyond задолжителен е хиперлинк до изворот од кој е преземен материјалот.