Руска фирма пласираше на пазарот луксузен Цар-телефон во вид на меч, посветен на кнезот Рјурик

Рускиот производител на луксузни телефони Caviar пушти во продажба луксузен паметен телефон со тастатура наречен „Цар-телефон”.

Уредот е направен во форма на викиншки меч, а посветен е на првиот кнез на Стара Русија Рјурик, пренесуваат руските медиуми.

Caviar

”Цар-телефонот” во вид на шестоаголник е направен од титаниум. Во изработката се користени и бело злато, кожа и карбон, а посебно внимание привлекува софистицираното дизајнерско решение со блескавата круна во две бои.

Caviar

Како што наведува производителот, асоцијацијата на мечот не е случајна. Дизјанерите нашле инспирација во вооружувањето на средновековните воини, сметајќи дека современиот маж, исто како и викингот во средниот век, секојдневно се бори и го освојува светот, само што во рацете нема достојно оружје, па затоа тоа би можел да биде телефонот.

Caviar

Кога се во прашање техничките карактеристики, уредот е базиран на моделот Nokia 6500 и работи на оперативен систем Nokia S40 5th Edition. Според пишувањето на информативните агенции, почетната цена на екстравагантниот новитет изнесува околу 180 илјади рубли (околу 2500 евра).

Прочитајте повеќе: Џабе ви се санкциите: Руски производител на телефони со антисанкциски смартфон со златен вентил

При користење на материјалите на Russia Beyond задолжителен е хиперлинк до изворот од кој е преземен материјалот.