Не пропуштајте!
Придружете се на Russia Beyond на Телеграм за повеќе есклузивни содржини
Рускиот производител на луксузни мобилни телефони Caviar осмисли нова серија со ексклузивен дизајн во чест на Денот на вработените во нафтено-гасната индустрија, пренесуваат руските медиуми повикувајќи се на соопштението за печатот на оваа куќа.
На едниот од моделите од оваа серија е инсталиран златени вентил кој може да се врти. Ова е инаку првпат на некој примерок осмислен од дизајнерите на оваа куќа да се појавува подвиен елемент. Куќиштето на телефонот е обложено со злато и украсено со црна капка која ја симболизира нафтата, како и со релјефен приказ на нафтен платформа. На плочката во долниот дел од телефонот е испишано „Вашим санкциям труба“ (Џабе ви се санкциите), што е инаку позната реченица која 1983 година советските работници ја напишаа на гасовод во Сибир обраќајќи му се на американскиот претседател Роналд Реган. Во прашање е инаку игра на зборови, „труба“ значи гасовод, но и дека некоја работа пропаднала.
Цената на телефоните посветени на нафтено-гасната индустрија почнува од 237 илјади рубли (3211 евра).
Во јуни оваа година Caviar разви дизајн на куќиштето на iPhone X во чест на победата на репрезентацијата на Русија над Египет на Светското првенство во фудбал. На задната страна на телефонот iPhone X Caviar National Teams Russia Heroes се изгравирани мрежа направена од шестоаголници кои симболизираат фудбалска топка и имињата на репрезентативците на чело со селекторот Станислав Черчесов. Телефонот е украсен со броевите кои фудбалерите ги носат на дресовите и со позлатен грб на Русија.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче