Во Русија претставен „цар телефон“ дизајниран во чест на инаугурацијата на Путин

Caviar
Рускиот производител на луксузни мобилни телефони Caviar пласираше по повод инаугурацијата на претседателот на Русија Владимир Путин ограничена серија нови уреди „цар телефон“ и iPhone X.

Телефонот со тастатура под називот Inauguration Diamond е направен од осумнаесеткаратно злато со додатоци од природна кожа во црвена боја и украсен со 95 брилијанти. На позадината на уредот се гравирани грбот на Руската Федерација и копија на орденот „За заслуги за татковината“ со зборовите „Полза, чест и слава“. Под грбот пишува „Русија“ со фонт каков што е користен во специјалното издание на Уставот на РФ на кој претседателот ја става раката во текот на заклетвата.

Цар телефоните кои се произведени во лимитирана серија од седум примероци (по повод денот на инаугурацијата на 7 мај) чинат 1,9 милиони рубли (околу 27000 евра).

Во дизајнот на iPhone X Inaguration исто така се користени грбот и медалот со зборовите „Полза, чест и слава“ и гравирани со стилизирани запци од ѕидините на Кремљ. Постои и смартфон на кој место грб се наоѓа портретот на рускиот претседател.

Ексклузивниот iPhone X чини од 258000 рубли (околу 3680 евра).

Caviar во март претстави iPhone X осмислен во чест на победата на Владимир Путин на изборите 2018 година, со портрет на претседателот и натпис „Златното доба на Владимир Путин“ (The Golden Age of Vladimir Putin).

Прочитајте повеќе: Putin Team: Нов дизајн на моделот iPhone X

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе