Фудбалерите на Англија и Тунис не знаеја како да излезат на крај со мушичките во Волгоград

Неколку дена пред првиот натпревар на Мундијалот во Волгоград, градот го нападнаа мушички и комарци. Инсекти има толку што организаторите на натпреварувањето дозволија внесување на спреј во фан зоната.

Ако локалните жители веќе навикнаа на наездата од инсекти, навивачите на Тунис и Англија беа целосно неподготвени. „Овде сите освен мушичките ни посакуваат добредојде“, изјавија Тунижаните за медиумите.

Волгоград инаку беше подготвен за напад на мушички и во април беа потрошени 42 милиони рубли (речиси 600000 евра) на борба со инсектите.

„Милијарди и милијарди мушички! За среќа, не се обидуваат да те каснат, но не е пријатно ни самото нивно присуство“, коментираше новинар на Би-Би-Си.

Наездата од мушички е проблем на Волгоград секое лето. Неколку дена пред првиот натпревар губернаторот на регионот изјави дека „работата е под контрола“ и дека за заштита на гостите на Светското првенство во фудбал се преземаат мерки без преседан.

Погледнете: Руски полицаец ги воодушеви странските навивачи со мајсториите со топка

При користење на материјалите на Russia Beyond задолжителен е хиперлинк до изворот од кој е преземен материјалот.