Мексиканец поради жена му не е на СП-2018, другарите го направија од картон и го донесоа во Русија

Другарите се заколнаа дека ќе патуваат на СП-2018 во Русија само заедно. И си го одржаа зборот!

Фернандо, Матје, Хавиер и двајца Даниели се најдобри другари. Заедно патуваа во Бразил на Светското првенство во фудбал 2014, а потоа ветија дека заедно ќе патуваат и во Русија 2018 година. Така и беше! Единствено што место вистинскиот Хавиер допатува неговата слика на картон.   

Мексиканците специјално за патувањето во Русија купија стар школски автобус, го опремија со кревети, телевизор, го исцртаа и го обоија.  

Сѐ одеше според планот додека во последен момент сопругата на Хавиер не му забрани да отпатува на Мундијалот. Затоа пријателите ја залепија неговата слика во природна големина на картон, го „облека“ во маичка со натпис „жена ми не ми дозволува“ и тргнаа на пат.

Мексиканците го префрлија автобусот преку океанот, а потоа посетија половина Европа: Берлин, Прага, Будимпешта, Рига, Краков, Санкт Петербург и стигнаа до Москва. И насекаде со нив беше картонскиот Хавиер кој им стана омилен лик на навивачките од целата планета.

Прочитајте повеќе: Московското метро упати несекојдневна честитка до Мексиканците за победата над Германија

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња