„Дер Стандард“: златен Нокиа ја овековечи „посебната средба на Елба“

09 јули 2017

Руска реч на македонски

Златен Nokia 3310 на руската компанија Caviar ќе послужи како потсетник за „посебниот настан“ – првата средба на Владимир Путин и Доналд Трамп на самитот на Г-20 во Хамбург, пишува „Дер Стандард“.

Руската компанија Caviar пласираше на пазарот „златен Nokia 3310, кој ќе служи како потсетник за првата средба на Путин и Трамп“ на самитот на Г-20 во Германија, соопштува „Дер Стандард“.

Извор: http://caviar-phone.ru/nokia/supremo-putin-trump-summit/

Првите официјални преговори меѓу претседателите на САД и Русија во Хамбург го „возбудија и технолошкиот свет: авторите на мемиња и џифови, како и дизјнерите на специјален мобилен телефон, кој треба да потсетува на специјалниот настан," продолжува австриското издание.

Како што истакнува „Стандард“, на новиот Nokia 3310 се „овековечени не само профилите на двајцата најмоќни мажи во светот, туку и местото на нивната средба“.

Тие што сакаат да го купат колекционерскиот модел на Nokia 3310 „ќе треба сериозно да го одврзе ќесето“, предупредува изданието. За новиот мобилен телефон, кој наводно „го нагласува подобрувањето на односите помеѓу САД и Русија“, Caviar постави цена од 149 илјади рубли (2164 евра), заклучува „Дер Стандард“, пренесува RT.

При користење на материјалите на Russia Beyond задолжителен е хиперлинк до изворот од кој е преземен материјалот.

русија и сад мобилни телефони Накратко