Путин се префрла на лимузината „Кортеж“ по инаугурацијата

Максим Колосков/autonews.ru
Новиот руски автомобил од премиум класата од проектот „Кортеж“ претседателот на Русија Владимир Путин ќе почне да го користи во извршувањето на секојдневните работни активност по стапувањето на должност, изјави портпаролот на Кремљ Дмитриј Песков.

Како што нагласи тој, засега не е донесена одлука дали новиот автомобил ќе биде користен на церемонијата за инаугурација на претседателот која е закажана за 7 мај, пренесуваат руските медиуми.

Запрашан како понатаму ќе биде користен новиот автомобил, Песков потврди дека возилото полека ќе влегува во употреба при извршувањето на претседателските должности на Владимир Путин.

Проектот „Кортеж“ предвидува производство на линија автомобили за високите државни функционери на единствена модуларна платформа во каросерија на лимузина, седан и минивен.

Министерот за индустрија и трговија Денис Мантуров најави минатата година дека лимузините од проектот „Кортеж“ ќе излезат од производство за инаугурацијата на избраниот претседател на Русија и дека шефот на државата треба да пристигне на церемонијата во тој автомобил.

На почетокот на оваа година автомобилите од проектот „Кортеж“ беа доставени во Гаражата со посебна намена во Кремљ, кога почна и нивното испробување.

Погледнете како изгледа рускиот автомобил од висока класа „Кортеж“ после краш-тест

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња