Русите, кои по одлуката на МОК се натпреваруваа како Олимписки спортисти од Русија и под олимписки обележја, ја победија репрезентацијата на Германија во продолжението на драматичниот финален натпревар со резултат 4:3. На свечената церемонија на доделување на златните медал, традиционално во црвени дресови, руските спортисти на победничкиот пиедестал, заедно со публиката, додека беше интонирана химната на Олимпискиот комитет, ја испеаја химната на Русија.
„Знаевме дека ќе ја пееме химната ако победиме“, ги пренесуваат медиумите зборовите на Коваљчук. „За нас тоа исклучително многу значи. На Олимпијада последен пат победивме 1992 година. Тоа беше практично одамна, сонувавме за победа. Уште од самите мои почетоци, уште како петгодишно дете сакав да бидам победник на Олимписките игри“, изјави Илја Коваљчук, кој беше прогласен за најкорисен играч на штотуку завршената Олимпијада во Јужна Кореја.
Победоносниот гол го постигна најмладиот играч, осумнаесетгодишниот Кирил Капризов и така ѝ овозможи на Русија да го освои првото олимписко злато во хокеј во машка конкуренција од ЗОИ-1992 година во Албервил.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче