Руските хокеари ја победија Германија и станаа олимписки шампиони првпат по 1992 година

Рускиот хокеар Илја Коваљчук и германскиот голман Дани аус ден Биркен во дуел.

Рускиот хокеар Илја Коваљчук и германскиот голман Дани аус ден Биркен во дуел.

Kim Kyung-Hoon/Reuters
Хокеарската репрезентација на Русија ја победи Германија во финалето на Зимските олимписки игри во Пјонгчанг со резултат 4:3.

Победоносниот гол го постигна 18-годишниот Кирил Капризов. Претходно Никита Гусев двапати ја затресе противничката мрежа, а Вјачеслав Војнов еднаш.

Натпреварот заврши со резултат 4:3 за Русите (1:0, 0:1, 2:2, 1:0). Русија поведе половина секунда пред крајот на првата третина, а Германците возвратија во втората со иста мера. Во третата третина Русите повторно поведоа, а Германците изедначија и поведоа, па Русите изедначија. Погодокот на Кирил Капризов во продолжението на натпреварот им го донесе на Русите златото.

Последен пат руските хокеари беа олимписки шампиони далечната 1992 година, непосредно по распадот на СССР, кога златото го освои обединетата екипа на Заедницата на независни држави. Русија била вкупно седум пати олимписки шампион во хокеј. За германските хокеари сребрениот олимписки медал досега е најголемиот успех во овој спорт.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња