Како на мапата на Москва се појави „таинствено езеро”?

Јамата за темели во близината на Павелецката железничка станице сега на сајтот Yandex.Maps е обележана како водена површина. На „Твитер“ се појави овој пост кој го докажува тоа.

Интернет корисниците претпоставуваат дека до тоа дошло затоа што градилиштето е речиси постојано поплавено. Некои го нарекуваат „Павелецката бара”.

Yandex објаснува дека дошло до тоа затоа што на корисниците им е дадена можност да внесуваат измени во мапите. „Тешко е да се процени моменталната состојба на ова место, меѓутоа, според објавениот проект за реконструкција, всушност тука би требало да се наоѓа мало езерце. Во овој случај, додатокот на мапата е само малку преран“, соопшти компанијата за руските медиуми.

Проектот за трговски центар на плоштадот „Павелецки“ стои недовршен од 2000-те. Во 2016 година оваа територија ја презеде државата во јавен интерес. Подоцна е соопштено дека локацијата преминала во сопствеништво на приватна компанија.

Прочитајте повеќе зошто во Русија не ги сакаат московјаните и дали е Москва држава во држава?

При користење на материјалите на Russia Beyond задолжителен е хиперлинк до изворот од кој е преземен материјалот.