Овој жител на селото Марково во близина на границата со Кина во 2012 година реши да направи необична новогодишна честитка. Зеде лопата и црташе фигури, чистејќи го снегот од заледената површина на реката.
На неговите соседи толку им се допадна честитката што наредната година Валериј ја повтори. Всушност, оттогаш ја повторува секоја година. Овој декември тој исто така нацрта елки, снешко и животни од бајките.
Локалниот весник „Амурскаја Правда“ пишува дека уметникот често оди да ја провери својата честитка и да ја доведе во ред ако треба. А жителите на неговото село велат дека овие честитки се локален зимски бренд.