Жена-херој скокна во ледена вода за да спаси дете во рускиот регион Прикамје

Екатерина Спехова

Екатерина Спехова

26-годишната мајка на две деца вели дека воопшто не размислувала пред да скокне во водата за да го спаси ученикот што се давел.

На 25 октомври Екатерина Спехова од рускиот регион Прикамје – во близина на реката Кама на Урал – спаси дете кое случајно паднало во длабок рибник.

Како што соопштува весникот „Комсомолскаја Правда“, Спехова се враќала од работа кога видела како момчето паднало во водата и јурнала да го спаси. „Ја фрлив чантата на земја, се искачив преку оградата и скокнав во водата без да ја соблечам јакната“, изјави таа.

„За среќа, детето не беше далеку од брегот на рибникот, но сепак беше доволно длабоко, а неговиот ранец го влечеше кон дното. Две момчиња ни помогнаа кога дојдовме на суво и тогаш едни жени дојдоа да помогнат и ги повикаа родителите на детето. Мислам дека имаше седум-осум години. Кога детето беше на сигурно, отрчав дома“.

Спехова живее во градот Очјор и работи како готвачка во локалната градинка.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња