Од село до Кремљ
Getty Images
Роденото име на Молотов е Вјачеслав Скрибин, но подоцна тој го менува во „Молотов“ (Молот значи „чекан“ на руски јазик), за да го направи попријатен за слухот и да се справи со пелтечењето. Роден во семејство на трговци во Централна Русија, тој се приклучил на револуционерното движење во почетокот на 1910 година и поминал неколку години во затвор.
Неговиот прв пријател меѓу истакнатите болшевички лидери е Јосиф Сталин, и овој однос го одредува остатокот од животот на Молотов. Без оглед на позицијата што ја зазема, Молотов е предан и лојален.
Обожување на Сталин
Global Look Press
Советскиот автор Константин Симонов се сеќава: „Молотов беше единствениот човек кој се расплака кога зборуваше на погребот на Сталин, иако повеќе од кој било друг имаше причини да се чувствува ослободен од оваа смрт“.
Кон крајот на четириесеттите години од минатиот век, Молотов, тврдокорен сталинист, паднал во немилост. Тој беше отпуштен од функцијата министер за надворешни работи, а Сталин нареди неговата сопруга Полина Жемчужина да биде уапсена и испратена во Казахстан, бидејќи е „ционистичка шпионка“ (таа не била тоа).
Молотов ја сакал својата жена, но молчел и останал посветен; дури и таквото предавство не го натерало да го промени својот став кон Сталин. Неговиот биограф Валентин Бережков пишува: „Молотов обично имаше само три здравици: „За Сталин! За Полина! За комунизмот!“ На прашањето: „Зошто Сталин? Значи, тој ја уапси Полина и речиси те уништи?“ Молотов одговора: „Тој беше голем човек“.
Испраќа многу луѓе на смрт
За време на Големата чистка на Сталин на крајот на триесеттите години од минатиот век пресудите без судење се честа практика, а учеството на Молотов во нивното издавање е големо. Неговиот потпис е на 372 „списоци на Сталин на луѓето кои се осудени (обично) на егзекуција со стрелање“, како и за лишувањето од слобода на клучни советски лидери без судење. Дури и Сталин потпишал помалку списоци (357).
Подоцна, кога се пензионирал, Молотов признал дека некои од убиените биле невини. „Се разбира, можеби сме претерале. Апсурдно би било да кажеме дека Сталин не знаел ништо за тоа, но би било погрешно пак да се каже дека само тој е виновен. Недостигаше контрола над безбедносните служби“, изјавил тој.
Обраќање кон земјата на почетокот на војната
AP
Во текот на летото на 1939 година министерот за надворешни работи Молотов и неговиот германски колега Јоахим фон Рибентроп потпишаа пакт за неутралност меѓу двете земји, наречен Пактот Молотов-Рибентроп. Со овој договор, СССР и Германија ја нападнаа Полска и ја поделија.
Сепак, договорот со Хитлер не функционираше добро, а две години подоцна, на 22 јуни 1941 година, Германија го нападна СССР. Така започнува Големата татковинска војна. Во првиот ден од војната што ја изненади Црвената армија и која доведе до сериозни загуби, Молотов се обраќа кон советскиот народ од името на Владата – Сталин одбива да го стори тоа.
„Нашата кауза е праведна, непријателот ќе биде поразен, победата ќе биде наша“,го завршува својот говор Молотов. Тоа се случува по речиси четири години и по цена на милиони жртви.
Губи сè
Максим Блинов / Sputnik
Набрзо по смртта на Сталин, Молотов повторно запаѓа во немилост, овој пат по конфликти со новиот лидер Никита Хрушчов. Молотов ги губи сите свои државни функции и живее до крајот на својот живот како обичен пензионер. Во 1961 година, властите го исклучија од Комунистичката партија.
Само 23 години подоцна, во 1984 година, Молотов беше рехабилитиран и се врати во партијата. Луѓето често се шегуваа, исмејувајќи ја советската геронтократија дека тогашниот лидер Константин Черненко, кој во тоа време имаше 73 години, гледа во 94-годишниот Молотов свој наследник. Всушност, Молотов умре две години подоцна, во 1986 година, само четири години пред да наполни 100 години.
Меѓународен бренд
Global Look Press
За време на Зимската војна од 1939-1940 година (меѓу СССР и Финска) Финците користат бензински бомби, за да палат советски тенкови и камиони. Овие експлозивни шишиња беа исполнети со мешавина од етанол, катран и бензин и беа наречени „Молотови коктели“. Ова е пијалак што оди со храна, бидејќи бомбите што паѓаат во Финска се иронично наречени „кошеви за леб од Молотов“. Причината е изјавата на Молотов дека СССР пушта храна над Финска.
Повеќе работи се наречени според Молотов. Од 1940 до 1957 година, на пример, градот Перм (1.400 километри источно од Москва) го носи неговото име.
Денес, луѓето го запомнуваат името на Молотов најмногу со тоа што го поврзуваат со коктелот, но има и музички групи Молотов (мексикански рап-рок) и Молотов Солушн (американска хевиметал група). Иако министерот на Сталин, најверојатно, нема да ја цени таквата употреба на неговото име, овие групи, како и тој, се прилично брутални.